“Sog‘lom muhit – sog‘lom jamoa” mavzusida davra suhbati tashkil etildi

​ ​Urgut tuman axborot-kutubxona markazida xodimlar o‘rtasida jamoaviy ruhiyatni shakllantirishga qaratilgan “Sog‘lom muhit – sog‘lom jamoa” mavzusida davra suhbati tashkil etildi.
​Kutubxona jamoasining ish unumdorligini oshirish, o‘zaro hamjihatlikni mustahkamlash hamda sog‘lom hayot tarzini keng targ‘ib qilish maqsadida o‘tkazilgan ushbu tadbir interaktiv va qiziqarli ruxda o‘tdi.
​Davra suhbati davomida xodimlar “Biz sog‘lom turmush tarziga amal qilamiz. Sizchi?” shiori ostida o‘zaro fikr almashib, kun tartibida quyidagi muhim masalalarni muhokama qildilar:
​Ish joyida ruhiy xotirjamlik: Jamoada sog‘lom psixologik muhitni yaratish va ish jarayonidagi stressli vaziyatlarni birgalikda yengish.
​Faol hayot tarzi: Kun davomida qisqa muddatli badantarbiya mashqlarini bajarish va to‘g‘ri ovqatlanish qoidalariga rioya qilish.
​Tadbirda Respublika Salomatlik markazi mutaxassislari Aminov Jaloliddin va Xabibullayev Aziz tushuntirish ishlarini olib bordilar.