Kitob targ'iboti - O'tkir Hoshimov "Ikki eshik orasi"

Kitob targ‘iboti

📚Urgut tuman axborot-kutubxona markazi xodimlari " Kitobsevarlar“ klubi a‘zolari bilan kitob targ‘iboti o‘tkazdi. Kitob targ‘boti bibliografiya bo‘limi mutaxassisi Sarvinoz Omanova tomonidan tashkil etildi. 

„Ikki eshik orasi“ – oʻzbek yozuvchisi Oʻtkir Hoshimov qalamiga mansub roman. Roman ilk marotaba 1985-yilda chop etilgan.Asarda insonlar taqdiri va inson umrining murakkabligini mahorat bilan tasvirlangan. Adib, birinchi navbatda, tinchlikka rahna solgan urushni tilga oladi. Ayniqsa, urush voqeligining har bir ota-ona qalbini jarohatlagani, koʻngillariga ozor yetkazgani romanning umuminsoniy pafosini tashkil etadi. Adib qalamga olgan obrazlari oddiy odamlarning fazilatlari – mardligi, matonati, vatanparvarligi va sabr-bardoshi haqida soʻzlaydi. Tajribali yozuvchi roman hodisalarini teran oʻrgangani uchun har bir epizod oʻquvchini qalbiga jiddiy taʼsir qiladi. 

Kitob taqdimoti yakunida barcha kitobxonlarga ushbu kitobni o‘qish tavsiya etildi.